हेमांगी कवीला त्या व्यक्तव्यावर कलाकारांचा पाठिंबा

मुंबई । अभिनेत्री हेमांगी कवीने तिच्या दमदार अभिनयाने मराठीसह हिंदी सिनेसृष्टीत प्रेक्षकांची पसंती मिळवली आहे. हेमांगी सोशल मीडियावर सक्रिय असून समाजिक मुद्दे मांडणं असो किंवा नेटकर्‍यांना सडेतोड उत्तर देणं यात ती कधीही मागे हटत नाही. नुकतच हेमांगीला एका व्हिडीओमुळे ट्रोल करण्यात आलं होतं. त्यानंतर इन्स्टाग्रामवर एक स्टोरी शेअर करत हेमांगीने या नेटकर्‍यांची बोलती बंद केली होती.

 

स्त्रींयांना त्यांच्या कपड्यांवरून तसचं अंर्तवस्त्रांवरुन ट्रोल करणार्‍यांना हेमांगीने चांगलचं सुनावलं होतं. त्यानंतर हेमांगीने फेसबुकवरदेखील एक पोस्ट शेअर करत समाजात स्त्रीयांवर कपड्यामुळे असणार्‍या बंधनांच्या प्रश्नावर वाचा फोडली आहे. स्त्रीयांना त्यांच्याच शारिरीक स्वातंत्र्यासाठी कराव्या लागणार्‍या संघर्षावर हेमांगीने तिचं बेधडक मत मांडलं आहे. हेमांगीच्या या पोस्टवर अनेक मराठी कलाकारांनी तिला पाठिंबा दिला आहे.

 

बाई, बुब्स आणि ब्रा या शिर्षकाखाली तिने ही पोस्ट शेअर केलीय. यात ती म्हणाली, ब्रा, ब्रेसीयर (अंतर्वस्त्रा)चा चार लोकांसमोर किंवा सोशल मीडियावर तरी येताना वापरण्याचा, न वापरण्याचा, अश्लीलतेचा, त्या स्त्रीच्या संस्कारांचा, बुद्धिमत्तेचा आणि तिच्या प्रतिमेचा जो काही संबंध जोडला जातो त्यासाठी स्त्रियांना त्यांच्याच शारीरिक स्वातंत्र्यासाठी अजून किती संघर्ष करायचाय हे लक्षात येतं! आणि गंमत म्हणजे या चर्चा करणार्‍यांंमध्ये पुरुषांपेक्षा स्त्रियाच जास्त अग्रेसर असतात. पुरुष निदान त्याची मजा घेऊन गप्प बसतात पण स्त्रिया स्वतः त्यातून जात असताना ही खालच्या स्तराला जाऊन चर्चा करून कुठलं पदक मिळवतात कुणास ठाऊक! तर हेमांगीच्या या पोस्टवर कमेंट करत अभिनेत्री वीणा जामकरनेदेखील हेमांगीला पाठिंबा दिलाय. क्या बात हेमांगी..सॉलिड , लय भारी वाचून सुद्धा हायसं वाटलं गं असं वीणा म्हणालीय.

 

प्रविण तरडेंचा हेमांगीला पाठिंबा
पुढे हेमांगीने समाजात वावरताना मुलींना किंवा स्त्रीयांना त्यांच्या अंर्तवस्त्रामुळे येणार्‍या बंधनावर तिचं मत पाडंलं आहे. हेमांगीच्या या बेधडक पोस्टवर दिग्दर्शक प्रविण तरडे यांनी तिचं कौतुक केलंय. ते म्हणाले, विचार म्हणुन खतरनाक ऽऽऽऽ..खन म्हणुन वरचा दर्जा साहित्य म्हणून कालातीत ..तू लढ हेमांगी.असं म्हणत प्रविण तरडेंनी त्यांच्या हटके स्टाइलने हेमांगीला पाठिंबा दिला आहे.

 

You May Also Like