करोनापाठोपाठ नोरो व्हायरसचा प्रादुर्भाव ; जाणून घ्या, नोरोव्हायरस काय आहे?

इंग्लंडमध्ये 154 जणांना लागण

इंग्लंड ।  जगभरातील अनेक देशांमध्ये करोना व्हायरसची तिसरी लाट आल्याचे सांगण्यात येत आहे. अशा परिस्थितीत करोनाचा डेल्टा प्लस व्हेरिएंट  वेगाने पसरत आहे.  इंग्लंडमध्ये करोना व्हायरसचे  निर्बंध शिथील करण्यात आले आहेत. मात्र, आता नोरोव्हायरसच्या प्रादुर्भावाचा इशारा देण्यात आला आहे.

सविस्तर वृत्त असे कि,  मे महिन्याच्या शेवटापासून पुढच्या पाच आठवड्यांमध्ये इंग्लंडमध्ये नोरोव्हायरसची लागण झालेल्या 154 रुग्णांची नोंद करण्यात आली आहे. आरोग्य संस्थेने दिलेल्या माहितीनुसार, गेल्या 5 वर्षांमध्ये समान काळात नोरोव्हायरसची लागण झालेल्या रुग्णांमध्ये तीन पटींनी वाढ झाली आहे. अत्यंत चिंताजनक गोष्ट म्हणजे, पीएचईने शैक्षणिक सेटिंग्समध्ये नोरोव्हायरसच्या रुग्णांमध्ये वाढ झाल्याची सूचना विशेषतः नर्सरी आणि चाइल्ड केअर सुविधांमध्ये दिली आहे.

नोरोव्हायरस काय आहे?
रोग नियंत्रण आणि प्रतिबंध केंद्रे (सीडीसी) नुसार, नोरोव्हायरस एक संसर्गजन्य व्हायरस आहे. ज्यामुळे उलट्या आणि मळमळ यासारखी लक्षणे दिसून येतात. पीएचई याला ‘Winter Vometing Bug’ असे म्हटले आहे. तसेच, सीडीसीच्या म्हणण्यानुसार नोरोव्हायरस आजाराचे लोक कोट्यवधी व्हायरसचे कण टाकू शकतात आणि त्यातील काही लोकच इतर लोकांना आजारी बनवू शकतात.

सीडीसीने नोरोव्हायरसची काही मुख्य लक्षण जारी करण्यात आली आहेत. जुलाब, उलट्या, मळमळ होणं आणि पोटाच्या समस्या उद्भवतात. यामुळे पोटाला किंवा आतड्यांना सूजही येते. इतर लक्षणांमध्ये ताप, डोकेदुखी आणि शरीरामध्ये वेदना होणं यांसारख्या समस्याही उद्भवतात. रुग्णांमध्ये नोरोव्हायरसची लक्षणे दिसण्यास 12 ते 48 तासांचा अवधी लागतो.  व्हायरसवर सध्या कोणतेही प्रभावी औषध उपलब्ध नाही. विशेषतः या आजारामध्ये दिसून येणाऱ्या लक्षणांसाठी वापरली जाणारी औषधं पिण्याचा सल्ला दिला जातो. त्यामुळे नोरोव्हायरसनं इंग्लंडसोबतच जगभरातील इतर देशांची चिंताही वाढवली आहे.

 

You May Also Like