भारताचा पराभव; चौथ्या दिवशी भारतीय फलंदाजांची हाराकिरी

हेडिंग्ले । भारतीय संघाला तिसऱ्या कसोटीच मानहानीकारक पराभव पत्करावा लागला. तिसऱ्या दिवशी दमदार फलंदाजी केल्यामुळे भारतीय संघ या सामन्यात तग धरेल, असे वाटले होते. पण सामन्याच्या चौथ्या दिवशी भारतीय फलंदाजांनी हाराकिरी केल्याचे पाहायला मिळाले आणि त्याचा फटका संघाला बसला. पुजारा आणि कोहली या जोडीने चौथ्या दिवशी साफ निराशा केली. त्याचबरोबर अजिंक्य रहाणे आणि रिषभ पंतही लवकर बाद झाल्यामुळे भारताला हा सामनाएक डाव आणि ७६ धावांनी गमवावा लागला.
चौथ्या दिवसाचे चौथे ऑली रॉबिन्सन टाकत होता. या षटकाच्या चौथ्या चेंडूवर भारताचा भरवश्याचा फलंदाज चेतेश्वर पुजारा आऊट झाला. रॉबिन्सनचा हा चेंडू पुजाराच्या पॅडवर आदळला. त्यानंतर इंग्लंडच्या संघाने जोरदार अपील केली, पण पंचांनी पुजाराला नाबाद ठरवले. पण इंग्लंडच्या संघाने यावेळी डीआरएस घेण्याचे ठरवले. डीआरएसमध्ये हा चेंडू स्टम्पला लागत असल्याचे पाहायला मिळाले. त्यामुळे तिसऱ्या पंचांनी यावेळी पुजाराला आऊट दिले आणि भारताला मोठा धक्का बसला. पुजाराला यावेळी चौथ्या दिवशी एकही धाव करता आली नाही. पण पुराजाने भारतासाठी महत्वपूर्ण ९१ धावांची खेळी साकारली. पुजारा बाद झाल्यावर कोहलीने अर्धशतक झळकावले खरे, पण अर्धशतक झळकावल्यावर कोहली जास्त काळ खेळपट्टीवर तग धरू शकला नाही. कोहलीला यावेळी ५५ धावांवर रॉबिन्सननेच कर्णधार रुटकरवी झेल बाद केले.

कोहली बाद झाल्यावर अजिंक्य रहाणे (१०) आणि रिषभ पंतही (१) लवकर बाद झाले आणि त्यावेळीच भारतीय संघ हा सामना हरणार हे जवळपास निश्चित झाले. इंग्लंडकडून यावेळी पहिल्या तासात वेगवान गोलंदज ऑली रॉबिन्सनने भेदक मारा केल्याचे पाहायला मिळाले. कारण रॉबिन्सनने यावेळी पुजारा आणि कोहली या स्थिरस्थावर झालेल्या जोडीला बाद करत भारतीय संघाला मोठा धक्का दिला. या दोघांना झटपट बाद करत त्याने भारताचे कंबरडे मोडले.

You May Also Like